कुडाळ ता.25- सहकार महर्षी माजी आमदार स्वर्गीय लालसिंगराव शिंदे काका यांची ९९ वी जयंती २६ जानेवारी रोजी सोनगाव येथील प्रतापगड कारखाना कार्यस्थळावर संपन्न होत असून, या जयंती दिनी अजिंक्यतारा- प्रतापगड साखर उद्योग समूहाच्या वतीने जयंती निमित्ताने विविध कार्यक्रमांचे आयोजन करण्यात आले आहे. यावेळी भव्य रक्तदान शिबिर देखील आयोजित करण्यात आले असल्याची माहिती प्रतापगड कारखानाचे चेअरमन सौरभबाबा शिंदे यांनी यावेळी दिली.
प्रशासन ऑफिस प्रतापगड सहकारी साखर कारखाना येथे सक्तदान शिबिर घेण्यात आले आहे.हे शिबीर सकाळी ९ ते ४ यावेळेत होणार आहे.यावेळी प्रत्येक रक्त दात्यास एक आकर्षक गिफ्ट देण्यात येणार आहे.
कार्यक्रमास माजी अध्यक्षा श्रीमती सुनेत्रा शिंदे, साैरभ बाबा शिंदे, चेअरमन प्रतापगड सहकारी साखर कारखाना ,व्हाईस चेअरमन शिवाजीराव मर्ढेकर, प्रभारी कार्यकारी संचालक राजेंद्र भिलारे, यांच्यासह प्रतापगड व अजिंक्यतारा साखर कारखाना सर्व संचालक, तालुक्यातील विविध राजकीय मान्यवर उपस्थित राहणार आहेत. २६ जानेवारी रोजी सकाळी ध्वजारोहण व कै लालसिंग काका यांच्या प्रतिमेचे पूजन कारखाना कार्यस्थळावर संपन्न होणार आहे तरी या कार्यक्रमास उपस्थित राहण्याचे आवाहन चेअरमन सौरभ बाबा शिंदे यांनी केले आहे.
