कुडाळ ता.24- आमदार शिवेंद्रसिंहराजे राजे भोसले व नामदार चंद्रकांत दादा पाटील यांचे कट्टर समर्थक विठ्ठल देशपांडे यांची भारतीय जनता पार्टीच्या जिल्हा उपाध्यक्षपदी जिल्ह्याचे भारतीय जनता पार्टीचे अध्यक्ष धैर्यशील दादा कदम यांनी निवड केल्याचे जाहीर केले.
विठ्ठल देशपांडे शालेय जीवनापासून भारतीय जनता पार्टीचे काम करीत आहेत. त्यांनी यापूर्वी जिल्हा चिटणीस तालुका उपाध्यक्ष तालुका सरचिटणीस पदी काम केले असून, या निवडीमुळे एका सामान्य कार्यकर्त्याला भारतीय जनता पार्टीने ही मोठी जबाबदारी दिली त्याबद्दल भारतीय जनता पार्टी चे सर्व वरिष्ठ पदाधिकारी कार्यकर्ते यांचे मनःपूर्वक त्यांनी आभार मानले.
या निवडी बद्दल ना.श्री चंद्रकांतदादा पाटील, आ.शिवेंद्रसिंहराजे भोसले, भाजपा प्रदेश सरचिटणीस मुरलीधर आण्णा मोहोळ,प्रदेश उपाध्यक्ष विक्रमजी पावसकर,ना. नरेंद्रजी पाटील साहेब, अतुलबाबा भोसले आदी मान्यवरांनी अभिनंदन केले.
